ساندوتشات مثل البيتزاء بالتوست وسريعه مع الشاي ولا احلى
المقادير :
توست اللي تحب عادي او بر
طماطم مقطعه مكعبات صغيره
جبن كرافت او المراعي مبشور بس انا افضل المراعي اخف دسم
وبيضه وحده
وبقدونس مقطع صغار
وشوي فلفل اسود وكمون
الطريقة:
تخلطي الجبن مع الطماط والبقدونس والبيضه بصحن والبهارات شوي بس نكهه وبعدين تحطينها على التوست تصيرين صافه التوست في صينية فرن شريحه شريحه وتحطين فوقها الحشوه مثل البيتزاء وممكن تصغرين التوست اذا تحبي تشيلي الاطراف يعني تقطعيه بالقطاعه على شكل دائره وتحطينه في الفرن يمكن عشر دقايق مو كثير تشوفين اذا جمد البيض استوى بتصير مو مثل اول ماحطيتيه اول ماتحطينه يكون سايل واذا استوى يجمد شوي
وبس مره لذيذه مع الشاي وسريعه مره ومفيده للكبار والصغار وخفيفه ممكن يكون رجيم مع خبز توست نخاله وجبن قليل الدسم ومره يعجب الصغار احسن من الشبس واتمنى يعجبكم
